LUKA 6:38

Pe rawh u; chutichuan, pêkin in awm ang; ṭhahnemngai taka teha, beng muka, sâwi muka, liam zawih zawihin in malchungah an pe ang che u. In tehna ngai bawkin an tehsak leh dâwn si che u a,” a ti a.

Kan chang thlan chu chang lar tak a ni.. thilpek kan dawn chuan min petute pek let ve duhna rilru kan nei tlangpui..

Naupang/fate thil kan pek chuan tirh an nuam a, kan chungah pawh an tha a, min puih an hreh lova nuam ti takin kan awm ho thin.

Tun lai Kohhran boruakah hruaitute hian inkhawm kan tlem thu kan sawi vek in ka hria.. kan duhkhawp lo a ni ti ru..

Pathian be ho tur leh Pathianthu lama intisawt tawna phur tlang taka awm tur hian kan member te hi eng nge kan pek? Kan thil pek hi an hlimpui em? emaw kan thilpek khan a ko khawm nge a hnawt darh? Mahni inzawt ila. Kohhran Committee atanga Pavalai hruaitu thlengin a huam vek aw..

Mipui kan in ang lo, tlawh kher phut te, chanvo pek phut te, etc.. kan ni hlawm. Hruaitu tih tur chu a hruaiate ngaihsak chu a tih makmawh a ni reng a ni. KTP Handbook a in ziak tha deuh mai chu ‘member hla te hnuh hnaih zel a, a nghet sa tih ngheh deuh deuh tum tur’ tih hi a ni. Hruaitu ho chauh ngheh tlut ringawt a ni lo, tun lai hunah tawh chuan thu ringawtin awmzia a nei thui tawh lo ni berin a lang, kan chet chhuah a ngai, taksa chet a ngai, Inkhawm zai a tuina tur a nih chuan hruaitu zawng zawng hi lam tualah chhuak vek mai ila, midang sawm a ngaih ka ring lo, keimahni leh keimahni-ah hian Pathian hian harhna te, zai tuina te hi a dah reng ang, chu chu pe chhuak ila, mipuiin min rawn pe let ve anga, kan in pe kual zel anga.. a alh hluai mai ang. Tun lai khawvelah thil kan pek loh chuan a free a dawn a har tawh khawp mai.  Hruaitute hian an tawn ngei ngei pakhat an sawi chu, duhtaka thlang tlingtu khan a thlan tlinin chanvo a han chelh ta tak tak a, kha a duh taka a thlan tlin kha a tlin lohna lai a zawng leh char char thin an ti.. a nih duh hmel khawp mai..

Member pakhat chuan hruaitu te’n tihtur min pe ringawt a, ei tur min pe leh si lova, phur a har tiin a sawi hial. Hemi sawitu rilru hi ka hmuh danah chuan min rawn tlawh se emaw min rawn sawm se chuan ka inkhawm ang/rawngbawlnaah ke ka pen ve ang maw le.. a tihna a nih ka ring. Chuti a nih chuan kan tih tur ni sa tho chu ngati nge tih kan hreh em em..? …Inkhawm tura kan sawm dan ki te hi a dik em aw.. “Inkhawm kan tlem thei lutuk” tih vang chauhin kan sawm thin em? An tuihalna tih rehpui dan kawng zawnpui leh an bo hla tur kan ven thiam a tul hle mai. (Tin, Biak Ina lo kal te hi kan in ang lo hle thin tih hi ngaihtuah fo a tha, a then chu tih tur a nih vanga inkhawm te, ngaih pawimawh vang hrim hrima inkhawm te, rilru hah taka inkhawm te, Pathian fak nuam tih vanga inkhawm te leh chhungkaw boruak hrehawm tak tlansan duh vanga inkhawm te pawh awm theih a ni, chung mi hrang hrang lo kalkhawmte thlamuang leh hlim taka an haw theihna tur leh inkhawm leh hun chakawm taka saimtu tur chu hruaitute kan ni a, kan thilpek ang zia zelin thil a thleng dawn a ni)

Hruaitu/Rawngbawltu te’n ka pek chhuah hnem poh leh kan dawng hnem dawn, inkhawm kan tam ang beng muk a liam zawih zawih in kan inkhawm ang, thawhlawm pawh sawi ngai lovin a pung nghal ang , Loan rulhna pawh a daih ziah tawh ang… Inkhawm zai pawh a nuam ang etc..

Eitur chu kan pe alawm, mahse, a tui lo a ni maithei.

Eiur tui pek dan kan thiam a ngai, kan zir a ngai, I tui tih zawng ringawta i kal reng chuan tuman an ei pui rei peih loving che.

Kan in demna lamah lo ngai lo ila.. Kristian chhungkaw intehnaah lawmman pakhatna vawi engzat nge kan lak tawh? Chumi han thlir chuan kan inkhawm zat leh Kohhran sukthlek hi inhmeh kan ti em? Lawmman phenah khan tihtur tam tak a la awm asin.

Thalai lam pawh eitur leh pawn lam mi sawm loh chuan kan in ko khawm zo ta meuh lo niin a lang. Program danglam deuhah chauh nuam ti lovin Pathian thutak kan buaipui a ngai.

Project lian pui pui kan ruahman a, chu chuan Biak In a pel mang lovin ka hria..

Mipui lam pawh hian pek tur kan  nei. Ei ringawt tur kan ni lo. Kan pek ve tho a ngai

Hruaitute I tawiawm a, I tawngtai sak a I ngihthlak thiam a ngai. Tihtauh san daih chi an ni lo. Nangmah kha i hla tual tual zawk ang.

Kan sawi seng dawn lo, sawi tur a la tam lutuk…

Lal Isua khan sum leh pai ni lovin a ataksa a ni a hlan ni.. Heng a chunga kan sawi zawng zawng khaikhawm nan chuan kan thupui ‘Pe rawh chu tichuan pekin…” tih hi kawng khat tala a taka changtu kan nih beiseiin ka han puang chhuak a ni e. Lalpan kan za atan malsawm rawh se. Amen.